|
Автор Zair
|
|
27.02.2010 г. |
|
Zaqatala rayonunda bədbəxt hadisə baş verib. Rayon Prokurorluğundan verilən məlumata görə, ölümlə nəticələnən bədbəxt hadisə dünən saat 11:30 radələrində rayonun Makov kəndində qeydə alınıb.
1965-ci il təvəllüdlü kənd sakini 3 uşaq atası Xəlil Nəsrullah oğlu Mollayev özünə məxsus MTZ markalı traktora ot presləyən aqreqat qoşaraq, açıq quru ot kütləsini pres halına gətirmək istəyib.
Bu zaman işlək vəziyyətdə olan traktorla ot bağlayan aqreqatı birləşdirən kardan adlanan hissədə baş verən nasazlığı aradan qaldırmaq istəyən X.Mollayev əlini ehtiyatsızlıq üzündən sürətlə dövr edən kardana salıb. Nəticəsində X.Mollayevin qolu çiyin nahiyəsindən, bir ayağı isə diz nahiyəsindən bir qədər aşağı hissəsindən qopub. O, baş nahiyəsindən də müxtəlif xəsarətlər alıb. X.Mollayev hadisə yerində keçinib.
Faktla bağlı Zaqatala rayon Prokurorluğunda cinayət işi qaldırılıb, araşdırma aparılır
 |
