|
16 oktyabr 2009-cu il tarixdə Zaqatala rayon İcra Hakimiyyətində 18 oktyabr-“Dövlət Müstəqilliyi günü”nə həsr olunmuş tədbir keçirilmişdir. Tədbirdə Zaqatala rayon İcra Hakimiyyətinin başçısı Mübariz Əhmədzadə, hüquq-mühafizə orqanlarının, xidmət təşkilatların və rayon ictimaiyyətinin nümayəndələri iştirak etmişlər....
İlk öncə tədbir iştirakçıları müasir Azərbaycan dövlətinin qurucusu, memarı, xalqın dahi oğlu , ulu öndərimiz Heydər Əliyevin abidəsini ziyarət etmiş, önünə tər çiçəklər düzmüşlər. Sonra tədbir rayon İcra Hakimiyyətində davam etmişdir. Tədbiri giriş sözü ilə açan rayon rəhbəri 18 oktyabr 1991-ci ilin Azərbaycan tarixində yeni mərhələnin başlanğıcı olduğunu, bu müstəqillik aktinin qəbul olunduqdan sonra ölkədə siyasi vəziyyətin qismən normallaşdığını və Azərbaycanın müstəqil bir dövlət kimi formalaşmasına böyük təkan verdiyini tədbir iştirakçılarının nəzərinə çatdırmışdır. Natiq öz çıxışında bu müstəqilliyin qorunub saxlanmasında əvəzsiz rolu olan, Azərbaycanın gündən-günə güclənən siyasi və iqtisadi potensialının formalaşmasının əsasını qoyan ulu öndərimiz Heydər Əliyevin xidmətlərini xüsusi vurğulamışdır. Daha sonra natiq məhz Heydər Əliyevin yürütdüyü məqsədyönlü və uzaqgörən siyasət nəticəsində bu gün də Azərbaycan öz müstəqilliyini qoruyub saxladığını və beynəlxalq arenada müstəqil bir dövlət kimi öz sözünü deməyə bacardığını , hal-hazırda bu siyasəti ölkəmizin Prezidenti cənab İlham Əliyev tərəfindən layiqincə davam və inkişaf etdirilməsi nəticəsində Azərbaycanın regionda iqtisadi və siyasi cəhətdən lider dövlətə çevrildiyini qeyd etmişdir. Mövzu ətrafında çıxış edən ziyalılar, ictimaiyyət nümayəndələri, gənclər müstəqilliyin qazanılmasının Azərbaycan xalqı üçün çətin və şərəfli olduğunu bildirmiş və bu gün müstəqil bir dövlətdə yaşadıqları üçün qürur hissi keçirdiklərini bildirmişlər.
 |
