http://zakatala.com

Sabah Hicri-Qəməri təqvimi ilə 1431-ci ilin müqəddəs Ramazan ayının başlanğıcıdır.

Bu axşam orucluğun niyyət gecəsidir.

Lent.az Qafqaz Müsəlmanları İdarəsinin təsdiq etdiyi cədvələ istinadən bildirir ki, Ramazan bayramı Miladi təqvimi ilə sentyabrın 9-na və ya 10-a təsadüf edəcək. Qədr gecələri Ramazan ayının 18-dən 19-a, 20-dən 21-ə, 22-dən 23-ə, 24-dən 25-nə və 26-dan 27-ə keçən gecələrə təsadüf edir.

Allah oruc tutan hər bir Azərbaycan müsəlmanlarının orucunu və niyyətini qəbul eləsin!

Zaqatala şəhər sakini özünü asıb
[ 09 Avqust 2010 22:26 ]


Zaqatala. Vüqar Heydərov. APA. Azərbaycanın Zaqatala rayonunda intihar hadisəsi qeydə alınıb. Bu barədə APA-nın Şəki-Zaqatala bürosuna Zaqatala rayon Polis Şöbəsindən məlumat verilib. Məlumata görə, intihar hadisəsi bu gün Zaqatala şəhərində qeydə alınıb. 1977-ci il təvəllüdlü, Zaqatala şəhər sakini Məmmədov Rövşən Musa oğlu özünü yaşadığı evin həyətində tikilmiş altıaçıqdan özünə məxsus kəmər ilə asıb. Zaqatala RPŞ-dən verilən digər məlumata əsasən R. Məmmədov əsəb xəstəliyindən əziyyət çəkirdi. R. Məmmədov 6-7 ay bundan əvvəl də intihara cəhd edərək hamamda qollarını ülgüc vasitəsi ilə doğramışdı.

Faktla bağlı Zaqatala rayon Prokurorluğunda CM-nin 125-ci(özünü öldürmə hədinə çatdırma) maddəsilə cinayət işi başlayıb, araşdırma aparılır.

Qurumun Zaqatala filialında külli miqdarda mənimsəmə faktı aşkarlanıb

“CredAgro” qeyri-bank kredit təşkilatının Zaqatala filialında külli miqdarda mənimsəmə faktı aşkarlanıb. Bu barədə APA-ya hüquq-mühafizə orqanlarından məlumat verilib.


Məlumata görə, “CredAgro”nun Zaqatala filialının sabiq direktoru Şahid Əyyubov Azərbaycan Respublikasının Baş prokuroru yanında Korrupsiyaya qarşı Mübarizə İdarəsi tərəfindən saxlanılıb. Onun filial rəhbəri olduğu dövrdə qeyri-qanuni olaraq təşkilatın külli miqdarda pulunu mənimsədiyi məlum olub. Bundan başqa, Ş.Əyyubov vətəndaşların adına qanunsuz yolla kredit paylayıb. Həmin vətəndaşların əksəriyyəti Zaqatala rayon sakinidir və hazırda onların bir çoxunun Azərbaycanı tərk etdiyi deyilir. “CredAgro” təşkilatının Zaqatala filialında ümumilikdə 1 mln. manatdan çox mənimsəmə faktının aşkarlandığı bildirilir....

Moskva tüstü-duman içərisində
[ 08 Avqust 2010 01:38 ]

İkinci gündürki Rusiya paytaxtı Moskva şəhəri tüstü-dumana bürünüb.
APA-nın voanews.com saytına istinadən verdiyi xəbərə görə, temperaturun rekord göstəriciyə çatmaq üzrə olduğu Moskvada sakinlər təhlükəsiz qapalı ərazilərdə sığınmağa çalışır. Rusiya rəsmiləri deyir ki, ölkə boyu meşə yanğınlarının dayanacağına heç bir işarə yoxdur. Onların sözlərinə görə, qarşıdakı bir neçə gün ərzində də temperaturun 40 dərəcə selsiyə yaxın olacağı gözlənilir. Küçəyə çıxan Moskva sakinləri və turistlər xüsusi maskalardan istifadə edir. Ancaq Böyük Britaniyadan olan bir turistin sözlərinə görə, duman o qədər sıxdır ki, uzaqdan hündür tikililəri də görmək mümkün deyil.

Azərbaycanın Mədəniyyət və Turizm Nazirliyi lisenziyası olmayan istirahət müəssisələrinin siyahısını açıqlayıb
[ 07 Avqust 2010 19:40 ]
Bakı. Ramil Məmmədli – APA. Azərbaycanın Mədəniyyət və Turizm Nazirliyi ölkədə turizm fəaliyyəti ilə bağlı xüsusi razılığı (lisenziya) olmayan istirahət müəssisələrinin siyahısını açıqlayıb.

APA-nın nazirliyin rəsmi saytına istinadən verdiyi məlumata görə, Mədəniyyət və Turizm Nazirliyi vətəndaşların turizm istirahət zonalarında lisenziya almayan və qeyri-qanuni fəaliyyət göstərən mehmanxana və mehmanxana tipli obyektlərdə yerləşməsini tövsiyə etmir.

Açıqlamada Oğuz, Qax, Göygöl rayonlarında 1, Gədəbəy və Ağsuda hər birində 2, Zaqatala, Şamaxı, Qəbələ, Xızı və Şabranda hər birində 3, Şəkidə və Qusarda hər birində 4, Lerikdə 5, Masallı və İsmayıllıda hər birində 6, Qubada 17, Xaçmazda isə 29 müəssisənin lisenziyasız olduğu bildirilib.

Türkiyənin Azərbaycandakı səfiri Zaqatalada olub
[ 06 Avqust 2010 17:15 ]


Zaqatala. Vüqar Heydərov - APA. Türkiyənin Azərbaycandakı səfiri Hulusi Kılıç Zaqatala rayonunda olub. APA-nın Şəki-Zaqatala bürosunun xəbərinə görə, Hulusi Kılıç səfər çərçivəsində Zaqatala rayon İcra Hakimiyyətinin başçısı Mübariz Əhmədzadə ilə görüşüb. Görüşdən sonra Hulusi Kılıç və onun həyat yoldaşı Günay Kılıç Zaqatala şəhərində 1830-cu ildə tikilmiş “Zaqatala qalası”da gedib, tarixi abidə ilə yaxından tanış olublar. Daha sonra qonaqlar Heydər Əliyev adına Mədəniyyət və İstirahət parkında, “Dədə Qorqud” meydanı, yeni inşa edilib istifadəyə verilən asma körpü və Zaqatala Hava limanında olublar.